जिपी फाउण्डेसनले बाह्रौँ पटक निःशुल्क खाना वितरण

गिरिजा प्रसाद कोइराला फाउन्डेसन अमेरिकाले कोभिड १९ को महामारी सुरु भए लगत्तै समुदायलाई स्वस्थ र पोसिलो खानामा पहुँच दिलाउने उद्देश्यले आफै वितरण गर्दै आएको निःशुल्क खाधन्न वितरण कार्यक्रम बाह्रौँ र अन्तिम पटक जुन २३, २०२० बेलुका भव्यताका साथ सम्पन्न गरेको हामी सबैलाई थाहा नै छ।

अबका दिनहरू मा यसै फाउन्डेसनले निःशुल्क खाधन्न वितरण कार्यक्रम न्यु योर्क सहरको क्वीन्स बोरो स्थित विभिन्न सङ्घ-सस्थाहरु मार्फत गर्ने जमर्को गर्दै आज सोमवार, जुन २९, २०२० वाट सुरु गर्दै ६ प्यालेट्स शुद्ध दुध वितरण गरेको जानकारी यसै फाउन्डेसनका अध्यक्ष सोमनाथ घिमिरेले दिए।

रिभर फण्ड का मुख्य उत्पादन अधिकारी डा. ओट्टो स्टार्जमेन सँग सहकार्य गरी निःशुल्क शुद्ध दुध वितरण गरिएको हो। वहाँ ले यसै फाउन्डेसन लाई ६ प्यालेट्स शुद्ध दुध, प्रत्येक प्याकेट मा १९२ ग्यालन गरी जम्मा १,१५२ ग्यालन अर्थात् ४३६० लिटर शुद्ध दुध सहयोग स्वरूप प्रधान गर्नु भएको थियो भने विभिन्न सङ्घ-सस्थाका प्रतिनिधिहरूले आफ्नै सवारी साधन, जम्मा १४ वटा कार लिएर बेर हाउस बाट आफैँ उठाउनु भएको थियो।

आज यसै कार्यक्रममा नेपाल अमेरिकन कलाकार सङ्घकालाई मिडिया कोओर्डीनेटर पुष्कर बराल मार्फत २० ग्यालन दुध, रिजहुड नेपालिज सोसाइटीलाई यसै संस्थाका सदस्य एवम् नेजससअ न्यूयोर्कका पूर्व संयोजक विनोद सुवेदी मार्फत ६० ग्यालन दुध, नेपाल तरुण दल अमेरिकालाई यसै संस्थाका उपाध्यक्ष अनन्तराज सुवेदी मार्फत ६० ग्यालन दुध, युनाईटेड किराँत राई अर्गनाइजेसन अफ अमेरिका न्यु योर्क च्याप्टरलाई यसै संस्थाका अध्यक्ष केशव राम राई मार्फत ६० ग्यालन दुध, घ्याल्सुम्दो सेवा संस्था अमेरिकालाई यसै फाउन्डेसनका केन्द्रीय सदस्य एवम् समुदाय सम्बन्ध निर्देशक छिरिङ राप्के लामा मार्फत ६० ग्यालन दुध, नेजससअ-न्युयोर्क(NPRCA-NY)लाई सचिव अनिल पाण्डे मार्फत ४० ग्यालन दुध, तनहुँ समाज अमेरिका न्युयोर्कका प्रतिनिधि होम बहादुर गुरूड्ग मार्फत ४० ग्यालन दुध, स्याङ्जा समाज अमेरिकालाई, प्रतिनिधि दिनेश भण्डारी मार्फत ४० ग्यालन दुध गिरिजा प्रसाद कोइराला फाउन्डेसन अमेरिकाले हस्तान्तरण गरेको थियो।

फाउन्डेसनको निःशुल्क खाद्य सामग्री वितरण कार्यक्रममा तन, मन र बचन दिएर क्रमशः उपाध्यक्ष सुवर्ण लामा र केन्द्रीय सदस्य सूर्य सीमखडा खटिएका थिए भने रेखा श्रेष्ठ, दीपक गौतम, रविन बिराडी, लक्ष्मण पुन, प्रद्युम्न रायमाझी, प्रेमलाल बुढा मगर, ईन्डीयन कम्युनिटी वाट सत्नाम लाल सिंह लगायतले स्वयंसेवी रूपमा सहयोग गरेका थिए। बाँकी रहेको शुद्ध दुध टेस्ट अफ लाहोर रेस्टुरेन्ट की प्रोप्राइटर रेखा श्रेष्ठले रेस्टुरेन्टकै फ्रिज उपलब्ध गराइ भण्डारण गर्न सहयोग गर्नु भयो र भोलि पुनः वितरण गरिने छ।

गिरिजा प्रसाद कोइराला फाउन्डेसन अमेरिकाले रिभर फन्ड का मुख्य उत्पादन अधिकारी डा. ओट्टो स्टार्जमेन र टेस्ट अफ लाहोर रेस्टुरेन्ट की प्रोप्राइटर रेखा श्रेष्ठ लाई धन्यवाद एवम् हार्द्वीक आभार प्रकट गर्दछ।