अमेरिकी गायिका जेनिफरले गरिन ‘इन्गेजमेन्ट’

फागुन २८ गते – अमेरिकी अभिनेत्री तथा गायिका जेनिफर लोपेजले इन्गेजमेन्ट गरेकी छिन् । जेनिफरले रिटायर्ड बेसबल खेलाडी एलेक्स रोड्रिगेजसँग दुई वर्षको प्रेम सम्बन्धलाई इन्गेजमेन्टमा पुर्‍याएकी हुन् ।

आफूहरूले इन्गेजमेन्ट गरेको जानकारी उनीहरूले सामाजिक सञ्जाल इन्स्टाग्राममार्फत दिएका हुन् । वेबसाइट फक्स न्युज डटकमका अनुसार जेनिफर र एलेक्सले गत शनिबार आफ्नो इन्गेजमेन्ट भएको खबर दिएका हुन् ।

तस्बिर सार्वजनिक गर्दै एलेक्सले क्याप्सन लेखेका छन्, ‘उनले हुन्छ भनेकी छिन् ।’ यसपछि जेनिफरले पनि एलेक्सको फोटो सेयर गरेकी छिन् । जेनिफर र एलेक्सको पहिलो भेट सन् २००५ मा भएको बताइन्छ ।एजेन्सी