दाह्री पाल्नेहरुमा भुस्या कुकुरमा भन्दा पनि धेरै किटाणु !

अहिले बढ्दो व्यस्तताको कारणले गर्दा दाह्री एक फेसनको रुपमा आएको छ । दाह्री विगतमा हेर्ने हो भने जो धेरै व्यस्त थिए उनिहरुसँग भएको पाइन्छ । विभिन्न वैज्ञानिक, दार्शनिक लगायत अन्य व्यक्तिहरु जो अत्यन्तै व्यस्त हुन्छन उनीहरुले दाह्री पालेको अनुमान गरिएको छ ।

तर, अहिले दाह्री एक प्रकारको फेसन नै भएको छ । यो बिचमा दाह्री पाल्नेहरुका लागि दुःखद खबर आएको छ । दाह्री पाल्दा केही फोहोरी देखिन्छ भन्ने टिप्पणीहरु पनि हुने गर्छन् । पुरुषहरु युनिक देखिन वा आफनो स्टायललाई मेन्टेन गर्न पनि दाह्री पाल्ने गर्छन् । तर दाह्री पाल्नेहरुका लागि भने एक पटक सोच्नै पर्ने अवस्था आएको छ ।

हालै बैज्ञानिकहरुले कुकुरमा भन्दा दाह्री पाल्ने मानिसहरुमा धेरै हानिकारक किटाणु तथा जीवाणुहरु हुने गरेको निश्कर्ष निकालेका छन् । बैज्ञानिकहरुले कुकुरको शरीर र मानिसको दाह्री कुनमा बढी हानिकारक किटाणु हुन्छ भनेर गरेको अध्ययनमा यस्ता तथ्य पत्ता लगाएका हुन् । अध्ययनमा समावेश प्रत्येक मानिसको दाह्रीमा जीवाणु भेटिएको थियो । त्यसमध्ये आधा जीवाणु मानव स्वास्थ्यका लागि किटनाशक र हानिकारक भएको पाईएको छ ।

जबकी कुकुरहरुमा मानिसको दाह्रीमा हुने खतरनाक जीवाणुभन्दा कम संख्यामा भेटिएको उल्लेख छ । स्वीजरल्यान्ड हिर्सल्यान्डेन क्लिनिकका प्राध्यापक आन्द्रेस गटजेट र उनको टिमले १८ मानिस र ३० कुकुरमा यस किसिमको अध्ययन गरेका थिए । जहाँ १८ देखि ७६ वर्ष उमेर समुहका दाह्री पालेका मानिसहरुमाथि अध्ययन गरिएको थियो । तर यो अध्यनमा भनिएका कुराहरु सबै सत्य नै हुन वा होईनन् त्यो हामी दावा गर्न सक्दैनौ यो समाचार पुर्ण रुपमा त्यो अध्यनमा आधारित हो । एजेन्सी