प्रेस चौतारीबाट पत्रकार महासंघ कास्कीको अध्यक्षमा केशवशरणले उम्मेदवारी दिने

पोखरा ।
प्रेस चौतारी कास्कीले आसन्न नेपाल पत्रकार महासंघ कास्कीको लागि उम्मेदवार टुङ्ग्याएको छ । आज बसेको कार्यसमितिको बैठकले महासंघको अध्यक्षमा केशवशरण लामिछानेलाई उम्मेदवार बनाउने निर्णय गरेको हो ।

यस्तै उपाध्यक्षमा अर्जुन गिरी, महिला उपाध्यक्षमा जमुना वर्षा शर्मा र सचिवमा माधव बराललाई उठाउने भएको छ ।कोषाध्यक्षमा एकराज गिरीलाई उम्मेदवार चयन गरेको छ । सहसचिवमा एमबी आस्थामगर र दिपक के श्रेष्ठले उम्मेदवारी दिनेछन् । श्रेष्ठको उम्मेदवारी समावेशी समूहबाट रहेको छ ।

यसैगरी, सदस्यमा खुल्लातर्फ कन्चन थापा, जीवन सुवेदी, उमा आले, कमल सुवेदी, गिता राना, प्रभु अधिकारी, गौरव त्रीपाठी, युनिस गुरुङ र सुर्य परियारले उम्मेदावरी दिनेछन् । महिला सदस्यतर्फ तारा चापागाई, आदिवासी सदस्यतर्फ खिमा गुरुङ, अल्पसंख्यकतर्फ विनिता खाती र दलित सदस्यतर्फ सुरेश सुनारले उम्मेदवारी दिने समितिले जनाएको छ ।